| Статистика |
Онлайн всего: 1 Гостей: 1 Пользователей: 0 |
|
МОИ ПЕСНИ
|
Уҡытыусым
Г. Баянова музыкаһы
Бөгөнгөләй хәтеремдән сыҡмай
Тәүге тапҡыр баҫҡан был “илгә”
Һәр бер һүҙең, күҙ ҡарашың һинең
Тылсым булып ята күңелгә.
Серле утрауҙарҙы ситләп уҙмай
“Белем” карабында йөҙәбеҙ.
Уҡытыусым, тоғро дуҫым, тиеп
Кәңәш һорап һиңә киләбеҙ.
Уҡытыусым менән бергәләшеп
Тормош диңгеҙенә сумабыҙ.
Джунгли, тайгаларҙы иңләп сығып,
Йондоҙҙарҙы һанап ҡуябыҙ.
Баҫҡыстарҙан- баҫҡыстарға үрләү
Бигрәк ауыр икән был “илдә”
Йылдар буйы күпме ауырлыҡтар
Уҡытыусым һинең иңеңдә.
|
Бәхет ҡуласаһы
Ҡояш йылмайып тик миңә
Ҡарайҙыр зәңгәр күктән
Атайым, әсәй ҡыуана
Ҡыҙыбыҙ бигрәк үҫкән.
Тик һеҙ генә булғанғалыр
Бәхетле бала сағым.
Талғын ғына әйләндерәм
Бәхеттең ҡуласаһын.
Әкиәттәгеләй тоям
Иң сағыу минуттарҙа
Әйтерһең дә мин бәүелеп
Йөҙәмен болоттарҙа.
Тик һеҙҙең менән генә мин
Бәхетлемен донъяла.
Был бәхетте татыһындар
Ерҙәге һәр бер бала.
|
|
Көҙгө бал
Миләштәр ҡыҙарып бешеп
Япраҡтар ҡойолғанда,
Беҙ баҡсаға бергәләп
Йыйылдыҡ көҙгө балға.
Көҙгө бал,көҙгө
Бàëа саҡ иҫтәлеге.
Көҙгө бал, көҙгө бал,
Ҡалыр иҫтә һәр кемдең.
Бергә-бергә түңәрәктә
Әйләнәбеҙ парланып.
Ҡоштар ҙа беҙгә ҡарап,
Һағышлана моңланып.
Көҙгә бал, көҙгө бал
Бала саҡ иҫтәлеге.
Көҙгө бал, көҙгө бал
Ҡалыр иҫтә һәр кемде
|
Сөмбөлә килде беҙгә
Йәмле көҙҙәр тыуғанда
Алтын башаҡ тулғанда
Бүләктәр һалып кәрзингә
Сөмбөлә килде беҙгә.
Сөмбөлә,Сөмбөлә,
Сөмбөлә килде беҙгә.
Һарғылт-ҡыҙыл сәстәрен
Көҙгө елдәр тирбәтә
Баҡсалағы емештәрҙе
Беҙҙең байрамға илтә.
Сөмбөлә, Сөмбөлә
Áеҙҙең байрамға илтә.
Быйыл беҙҙе ниҙәр көтә
Көҙ быйыл нисек килә
Һөйләп бирсе һин беҙгә
Көҙ һылыуы Сөмбөлә.
Сөмбөлә, Сөмбөлә,
Kөҙ һылыуы Сөмбөлә.
|
Мин һалдат
Г. Баянова музыкаһы
Һалдат кейемдәрен кейҙем
Һалдат булдым бит хәҙер
Илем тыныслығы өсөн
Һаҡта торорға әҙер
Аңлайым , һине олатай,
Ҙурайғанмын бит күптән.
Илем, тиеп, янғанһығыҙ
Уттар яуһа ла күктән.
Тыныслыҡ, тип, торғанһығыҙ
Дошман яуына ҡаршы
Күптәрегеҙҙең ҡәбере
“Билдәһеҙ һалдат” ташы.
Күпме инәй, өләсәйҙәр
Ҡанлы йәштәрен һөрткән
“Ҡара ҡағыҙҙар” алғас та,
Бәлки ҡайтыр, тип көткән.
Һалдат кейемдәрен кейҙем
Хәҙер мин һалдат инде.
Ҡара ҡайғы урап үтһен
Минең тыуған илемде
Олатайым ҡурайы
Р. Ғөбәйҙуллина музыкаһы
Тау буйында,үҙәнлектә
Үҫеп сыҡҡан бер ҡурай.
Моңло көйҙәрен сығарып
Олатай ҡурай уйнай.
Олатайымдың ҡурайы
Бәләкәс кенә булһа ла,
Ундай матур көй сығарған
Юҡтыр әле донъяла.
Олатайым һағышланһа
Ҡурайым алып көйләй.
Оҙон көйҙәр,әйтерһең дә
Халҡым тарихын һөйләй.
Ап-аҡ ҡына ҡар яуа Турғай
Р. Ғөбәйҙуллина музыкаһы Р. Ғөбәйҙуллина музыкаһы
Ап-аҡ ҡына ҡар яуа Ағас ботағына ҡунып
Ергә йондоҙҙар тама. Бер турғай беҙгә ҡарай.
Әйҙә бергә уйнайыҡ, Әйтерһең сут-сут тиеп
Йүгерешеп алайыҡ. Беҙҙән ашарға һорай.
Ап-аҡ ҡына ҡар яуа Әйт әле турғайым
Ергә йондоҙҙар тама. Ниндәй уйҙар уйлайһың?
Һикерешеп ҡар өҫтөндә Килегеҙсе,балалар
Аҡ ҡуяндар булайыҡ. Ҡуйығыҙсы тағараҡ,
Аҡ ҡарҙан ҡар бабайҙы Ҡуйығыҙсы тағараҡ,
Өйөп кенә ҡуяйыҡ. Тик булығыҙ һағыраҡ.
Ап-аҡ ҡына ҡар яуа Әйт әле турғайым
Ергә йондоҙҙар тама. Ниндәй уйҙар уйлайһың?
|
| Отдел образования |
 |
| 2022 год |
 |
| 2022 йыл |
 |
| Календарь | | « Май 2024 » | | Пн | Вт | Ср | Чт | Пт | Сб | Вс | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
